13ஆவது அரசியலமைப்புத் திருத்தம் மற்றும் 1987ஆம் ஆண்டின் 42ஆம் இலக்க மாகாண சபைச் சட்டத்தின் பிரகாரம், வினைத்திறனான அரச சேவையை உருவாக்கும் நோக்கத்துடன் ஊவா மாகாண சபை அரசு சேவை ஆணைக்குழு ஸ்தாபிக்கப்பட்டுள்ளது. ஊவா மாகாண பொது சேவைக்குத்; தேவையான மனித வளங்களை வினைத்திறனான பணியாளர்களை வழங்குவதன் ஊடாக, ஆக்கப்பூர்வமான, துல்லியமான, தரமான மற்றும் திருப்திகரமான மாகாண அரச சேவையை உருவாக்குவது இதன் நோக்கமாகும். 1987 ஆம் ஆண்டின் 42 ஆம் இலக்க மாகாண சபைச் சட்டத்தின் 33(1) பிரிவின்படி, இந்த ஆணைக்குழுவை நியமிக்கும் அதிகாரம் கௌரவ ஆளுநருக்கு உள்ளது. மாகாண அரச சேவை அதிகாரிகளின் நியமனம், இடமாற்றம். பணிநீக்கம் மற்றும் அவர்களின் ஒழுக்காற்று கட்டுப்பாடு தொடர்பான செயற்பாடுகள் இவ்ஆணைக்குழுவின் மூலம் கையாளப்படுகிறது. கௌரவ தலைவர் உட்பட 07 உறுப்பினர்களைக் கொண்ட ஆணைக்குழுவின் பதவிக்காலம் 05 வருடங்களாகும்.

• அரசியலமைப்பின் 154 (அ) இன் படி, ஜனாதிபதியால் மாகாண சபைகள் ஸ்தாபிக்கப்பட்டுள்ளன, அவ்வாறு ஸ்தாபிக்கப்பட்ட மாகாண சபை அரச சேவை அதிகாரிகளின் நியமனம், இடமாற்றம், பதவி நீக்கம் மற்றும் ஒழுக்காற்றுக் கட்டுப்பாடு என்பன தொடர்பில் 1987 ஆம் ஆண்டின் 42 ஆம் இலக்க மாகாண சபைச் சட்டத்தின் 32(1) இன்படி அந்த மாகாணத்தின் ஆளுநர் அதிகாரம் கொண்டுள்ளார்.
• அந்த அதிகாரங்கள் 1987 ஆம் ஆண்டின் 42 ஆம் இலக்க மாகாண சபைச் சட்டத்தின் 32(2) இன் பிரகாரம் இந்த ஆணைக்குழுவிற்கு வழங்கப்பட்டுள்ளன. ஆணைக்குழுவிற்கு வழங்கப்பட்ட மேற்படி அதிகாரங்கள் 2021.11.01 முதல் நடைமுறையிலுள்ள ஊவா மாகாண சபை பொதுச் சேவை ஆணைக்குழுவின் அதிகாரப் பகிர்வின் கீழ் திணைக்களத் தலைவர்கள் மற்றும் அமைச்சுக்களின் செயலாளர்களுக்கு வழங்கப்பட்டுள்ளன. ஆணைக்குழுவிற்குள்ள அதிகாரப் பகிர்வு காலத்துக்குக் காலம் மாறலாம்.